Барлық жаңалықтар
iQS Engineering компаниясы Rockwell Automation жүйелік интеграторының Silver мәртебесіне ие болды
iQS Engineering компаниясы Rockwell Automation серіктестік бағдарламасында Silver мәртебесін алды. Бұл жетістік өнеркәсіптік автоматтандыру және өндірісті цифрландыру саласындағы ынтымақтастықты нығайтады.
Инжинирингтік iQS Engineering компаниясы Rockwell Automation жүйелік интеграторларына арналған серіктестік бағдарламасы аясында Silver мәртебесін иеленді. Rockwell Automation — өнеркәсіптік автоматтандыру және өндірісті цифрландыру саласындағы халықаралық компания. Компаниялар арасындағы ынтымақтастық 2025 жылы басталды. Осы уақыт аралығында iQ-Solutions компаниясының еншілес кәсіпорны — iQS Engineering командасы өнеркәсіптік кәсіпорындарды автоматтандыру және цифрландыру бағытында Rockwell Automation технологияларын қолдану бойынша жұмыс жүргізді. Бұл серіктестік тапсырыс берушілерге өндірістік жабдықтарды, басқару жүйелерін және өндірістік деректерді өзара байланыстыруға мүмкіндік беретін кәсіби командамен жұмыс істеуге жол ашады. Мұндай тәсіл инженерлерге жабдықтардың жұмыс тарихын бақылауға және ауытқуларды талдауға, ал кәсіпорындарға қолданыстағы инфрақұрылымды ескере отырып, жаңғырту жұмыстарын жоспарлауға мүмкіндік береді. Ынтымақтастық үшін Rockwell Automation компаниясына алғыс білдіреміз! Қазақстандық кәсіпорындарды автоматтандыру бағытындағы міндеттерді бірлесе жүзеге асыруды жалғастырамыз.
