SAP Cloud ERP: орта бизнеске арналған бірыңғай деректер негізіндегі басқару жүйесі

Компания жаңа сауда нүктелерін ашып, тауар ассортиментін кеңейтіп, тапсырыстар санын арттырып келеді. Алайда сатып алуды келісу әлі де электрондық пошта мен мессенджерлер арқылы жүзеге асады, қоймадағы тауар қалдықтарын нақтылау үшін қойма қызметкерлеріне жүгінуге тура келеді, ал қаржылық нәтижелер бірнеше жүйе мен кестедегі деректерді біріктіру арқылы есептеледі.
Бизнестің белгілі бір даму кезеңінде мұндай процестер оның одан әрі өсуіне кедергі келтіре бастайды. Клиенттің тапсырысын растау алдында тауардың қолда бар-жоғын тексеру қажет. Жеткізушіге жаңа тапсырыс орналастырмас бұрын тек ағымдағы қорды ғана емес, сонымен қатар рәсімделген сатып алуларды, күтіліп отырған жеткізілімдерді және болжамды сұранысты да ескеру маңызды. Айналым қаражатына деген қажеттілікті бағалау үшін жеткізушілер алдындағы міндеттемелерді, төлем кестелерін және күтілетін ақша түсімдерін жеке-жеке талдауға тура келеді.
SAP Cloud ERP жүйесі сауда, FMCG, дистрибуция және логистика салаларында жұмыс істейтін орта бизнес компанияларына дәл осындай міндеттерді шешуге көмектеседі.
Жүйе сатып алу, қорларды басқару, сату, қойма логистикасы және қаржы процестерін бірыңғай ақпараттық ортаға біріктіреді. Клиенттің тапсырысын қабылдау, тауарды резервтеу, жөнелту, шот ұсыну және қаржылық операцияларды есепке алу өзара байланысты бірыңғай бизнес-процестің құрамдас бөлігіне айналады. Деректер бір рет енгізіліп, компанияның барлық бөлімшесінде пайдаланылады. Бұл қолмен орындалатын операциялардың санын азайтып, қателік жіберу тәуекелін төмендетеді.
Бірыңғай деректер моделі мен нақты уақыт режимінде жұмыс істеу жүйенің қосымша артықшылығы болып табылады. Басшылар мен мамандар әртүрлі жүйелердегі ақпаратты біріктіріп, жеке есептердің дайын болуын күтпей-ақ, өзекті деректерге қол жеткізе алады.
Бизнес үшін мұның нақты артықшылықтары бар:
•    Сатып алу бөлімі ағымдағы қажеттіліктерді, жеткізушілерге берілген ашық тапсырыстарды, күтіліп отырған жеткізілімдерді және қорларды толықтыру бойынша жүйенің ұсынымдарын көре алады. Бұл тауар тапшылығының да, артық сатып алудың да алдын алуға мүмкіндік береді.
•    Сату бөлімі қолда бар тауар қалдықтары, күтіліп отырған жеткізілімдер және тапсырыстарды орындау мерзімдері туралы ақпарат алады. Соның нәтижесінде клиенттерге тауарды жеткізу мерзімін дәлірек растауға болады.
•    Қойма және логистика бөлімдері тауар қозғалысы мен тапсырыстардың орындалуына қатысты бірыңғай деректермен жұмыс істейді. Бұл операциялардың ашықтығын арттырып, тауар қорларын бақылауды күшейтеді.
•    Қаржы қызметі қосымша деректерді біріктіру қажеттілігінсіз дебиторлық және кредиторлық берешек, міндеттемелер мен ақша қаражатының қозғалысы туралы жедел әрі толық ақпарат алады.
•    Компания басшылығы сату көлемі, тауар қорлары, маржиналдылық, қор айналымдылығы және ақша ағыны секілді негізгі бизнес көрсеткіштерін бірыңғай жүйедегі келісілген деректер негізінде бақылай алады.
Жүйеге кіріктірілген аналитикалық құралдар ауытқуларды дер кезінде анықтауға, қызмет нәтижелерінің негізгі көрсеткіштерін бақылауға және өзекті ақпарат негізінде шешім қабылдауға мүмкіндік береді. Қажет болған жағдайда компанияның ағымдағы операциялық деректеріне негізделген болжау және қажеттіліктерді жоспарлау мүмкіндіктері де қолжетімді.
Бұл ретте барлық процесті бір мезетте іске қосу міндетті емес. Жобаны бизнестегі ең өзекті мәселелерді шешуге бағытталған негізгі бағыттардан бастауға болады.
SAP Cloud ERP Public Edition шешімінде SAP Best Practices дайын салалық сценарийлері қолданылады. Енгізу кезеңінде жоба командасы SAP жүйесіндегі стандартты процестерді тапсырыс берушінің қолданыстағы бизнес-процестерімен салыстырады, қажетті интеграцияларды, жергілікті есеп пен есептілікке қойылатын талаптарды, сондай-ақ Қазақстандағы бизнес жүргізу ерекшеліктерін айқындайды.
Мұндай тәсіл енгізу мерзімін қысқартуға, жобалық тәуекелдерді азайтуға және бизнестің негізгі процестерін цифрландырудан нақты нәтижені жылдам алуға мүмкіндік береді.